Kirurgjia Vitreoretinale është kombinimi i disa procedurave komplekse kirurgjikale në retinë dhe në lëngun qelqor . Qëllimi i këtyre ndërhyrjeve kirurgjikale është për të pastruar lëngun qelqor dhe për të parandaluar uljen e mprehtësisë se shikimit që lidhet me çrregullime të segmentit pasmë. Kirurgjia Vitreoretinale është një nga tendencat më përparuara në fushën e oftalmologjisë. Me anë të saj ne mund të përmirësojmë ose të rivendosim plotësisht shikimin edhe në rastet të cilat janë konsideruar më parë si të pashërueshme . Kirurgjia vitreoretinale pasohet nga një proces i vazhdueshëm ndjekjeje postoperatore , ndjekja e të cilit ndihmon në uljen e rrezikut të komplikacioneve post operatore , zvogëlon kohën e rehabilitimit që pacienti të kthehet sa më parë në jetën e tij normale.

Operacioni Vitreoretinal kryhen në kushtet e mëposhtme:

• Retinopati diabetike proliferative
• Degjenrim makular
• Turbullim i lëngut qelqor
• Hemoftalmia (hemorragji intraokulare)
• Retinopati Post-trombotike proliferative
• Fibroza Epimakulare
• Defekte të trupit qelqor (turbullim, dislokimi i lentes)
• Vrimë makulare
• Shkolitje dhe vrimë në retinë
• Komplikimet pas kirurgjisë së kataraktës

Një nga operacionet më të zakonshme të kirurgjisë vitreoretinale është vitrektomia. Vitrektomia është heqje e plotë ose e pjesshme e lëngut qelqor të turbulluar . Indet gjithashtu priten dhe hiqen për të lehtësuar tërheqjen e retinës. Si rregull, operacioni zgjat 30-90 minuta për shkak të veshtirësisë së gjendjes dhe komplikimeve të mundshme. Vitrektomia kryhet nën anestezi të përgjithshme dhe pa qepje . Pas operacionit pacienti është i detyruar të:

• Ndiqet në vazhdimësi te specialisti i syve
• Të ndalojë aktivitetet me sforco në shikim dhe fizike (mos të ngrejë pesha më të mëdha se 5 kg)
• Të shmang luhatjet e mëdha të temperaturës (e ka të ndaluar të bëjë Sauna dhe të përdorë ujë shumë të nxehtë apo shumë të ftohtë)
• Të qëndrojë në regjim shtrati për 2-3 javë pas ndërhyrjes

Shumë shpesh operacionet vitreoretinale kryhen kur ka ndryshime në lëngun qelqor , në pacientët me hemoftalmi , retinopai diabetike, distrofi makulare të lidhura me moshën, shkëputje e retinës, enëve të gjakut dhe distrofisë periferike të retinës. Nisur nga përvoja, ky lloj operacioni arrin rezultate të mira.